Gaas Calooleedka (Gastritis).

 Gaas Calooleedka: Xanuunka Qarsoon ee Sababa Calool Gubasho iyo Daal!

Weligaa ma dareentay calool gubasho aad u daran? Waa maxay sababtu?

Waxaa laga yaabaa inaad marar badan dareentay calool gubasho, xanuun joogto ah, lallabbo, ama daal badan, adigoo aan garanayn sababta. Haddii aad si joogto ah ula kulanto astaamahan, waxaa laga yaabaa inaad qabto Gaas Calooleed (Gastritis)—xanuun aan si fudud isku muujin balse sababi kara dhibaatooyin waaweyn haddii aan la daweyn.

Maxaa Sababa Gaaska Calooleedka?

Gaas calooleed wuxuu yimaadaa marka xuubka difaaca ee caloosha uu dhaawacmo, taasoo u oggolaanaysa aashitada caloosha inay dhaawac gaarsiiso unugyada gudaha. 

Waxaa sababi kara:

1.Bakteeriyada Helicobacter pylori: waa bakteeriya ku nool caloosha oo sababi karta gaas, boog calooleed, xitaa kansarka caloosha.

2.Daawooyinka xanuun baabi’iyaha (NSAIDs): sida ibuprofen iyo aspirin oo dhaawaca xuubka caloosha.

3.Cadaadiska iyo walwalka badan: ma ogayd in walwalka badani uu kordhiyo aashitada caloosha?

4.Cabitaanka khamriga & sigaarka: waxay dhaawacaan xuubka difaaca caloosha.

5.Cuntooyin aad u acid badan: sida bunka, cabitaanada mac-macaanka leh, iyo cuntooyinka shiilan.

Sidee Lagu Garan Karaa Gaaska Calooleedka?

Haddii aad dareento calaamadahan soo socda, waa waqtigii aad caafimaadkaaga la tashi la samayn lahayd:

✅ Calool gubasho & xanuun joogto ah.

✅ Lalabbo & matag (mararka qaar dhiig leh).

✅ Dareen calool fadhiga ama shuban.

✅ Daal & tabar-darro aan sabab lahayn.

✅ Hoos u dhac miisaanka ah iyada oo aan sabab muuqata jirin.

Xalka & Daaweynta Gaaska Calooleedka.

Haddii lagaa helo gaas calooleed, ha argagixin! Waxaa jiraan siyaabo badan oo lagu daaweyn karo:

✔️ Dawooyinka yareeya aashitada sida antacids iyo proton pump inhibitors (PPIs)

✔️ Antibiotics – haddii H. pylori lagu helo, waxaa lagaa siin doonaa dawooyin lagula dagaallamo.

✔️ Ka fogaanta cuntooyinka acidhiga leh sida canjeelada khamiirka leh, cabitaanada gaaska leh, iyo hilibka shiilan.

✔️ Isbedel lagu sameeyo nolol maalmeedka – yaree walwalka, samee jimicsi, seexo waqti kugu filan.

✔️ Cabitaanka biyo diiran iyo malab – cilmi baarisyo badan ayaa muujiyey in malabku yareeyo xanuunka gaaska.